ОшМУда алдыңкы 5 студентке 1200$ дан “Атуулдук стипендия” тапшырылды

Ош мамлекеттик университетинде студенттерге стимул берген “ОшМУнун атуулдук стипендиясынын” 3-ыйгарылышы болду.
Мында атайын комиссиянын чечими менен 27 талапкердин ичинен эң мыкты деп тандалып алынган, жөндөмдүү, чыгармачыл, таланттуу, мыкты окуган 5 студентке 100 доллардан жылына 1200 долларлык стипендияны ыйгаруу аземи болуп өттү.Ош мамлекеттик университетинде эмгектенген, илимдин доктору, илимий чини бар, жашы улгайып калган профессор агай өзүнүн өмүр боюу жыйнаган мүлкүн банкка төгүп, аны ОшМУга мурастап, мыкты окуган, өзгөчөлүккө ээ болгон студенттерге стипендия кылып берүү оюн билдирген. ОшМУнун жетекчилигинин мындай демилгелерге жасаган дилгир мамилесинин аркасында бул стипендияны 50 жыл бою төлөөгө банк, профессор агай, университет болуп үч тараптуу келишим түзүлгөн. 2012-жылы бул стипендиянын алгачкы ээлери түзүлгөн атайын жобонун негизинде тандалып 5 студентке тапшырылган, ал эми 2013-жылы 2-жолу ыйгарылган болчу.

Түп нускага шилтеме: maralfm.kg

2 thoughts on “ОшМУда алдыңкы 5 студентке 1200$ дан “Атуулдук стипендия” тапшырылды

Комментарий кошуу

Сиздин электрондук почтаңыз жарыяланбайт. Милдеттүү талаалар белгиленген *

*